Dua pulo ket maysa a kameng ti barangay ranger officers (BRO) idiay Badoc, Ilocos Norte ti immawat iti insentiboda kabayatan iti pannakaiyuswat Manang Imee’s Capitol Express iti nasao nga ili. Ni Gobernador Imee Marcos ti nangiyawat a mismo kadagitoy iti sag-tatallo ribu a pisos iti tunggal maysa. Dagiti BRO ti napusgan a mangkitkita ken mangtagtagiben kadagiti mula ti kabanbantayan ken kabakiran. Manmanteneren ti gobierno probinsial dagiti BROs kas maysa pay laeng kadagiti gagem ti Millennium Development Goals a maipaayan iti pagtrabahuan dagitoy kas asideg nga agindeg iti kabanbantayan. Malaksid iti panangproteherda kadagiti mula, sukatanda pay dagitoy no adda dagiti matay a patubo a mula. Daytoy ket paset metten iti National Greening Program ti gobierno nasional a supsupurtaran ti gobierno probinsial. ( PGIN-CMO )
Online edition of The Ilocos Times, a community newspaper based in Laoag City, Ilocos Norte.