Maysa nga
aldaw kalpasan a nagibunong ni Gob. Ma. Imelda “Imee” R. Marcos ti Noche Buena packages
kadagiti nakurapay nga umili idiay Sarrat, nagsubli manen ti Manang Imee’s
Capitol Express iti nasao nga ili idi Disyembre 19, 2013.
Kinuna ni Marcos a nasisita nga agsubli ti
sibubukel a bunggoy ti Manang Imee’s Capitol Express kadagiti munisipio nga
indan nagturongan tapno agtultuloy ti pannakaidanon dagiti kangrunaan a
kasapulan dagiti umili.
Nupay naipatungpalen dagiti dagiti
immun-unan a kiniddaw dagiti umili nasken latta ti panagsubli ti Capitol
Express tapno maammuan no adda pay dagiti dadduma a kasapulan dagiti umili.
Mainaig iti daytoy, naruay met nga umili ti
nanggundaway iti daytoy a ganuat gapu kadagiti pagsayaatan nga inda lak-amen.
Babaen iti Capitol Express, mismon a ti
kapitolio ti dumanon a mangipaay ti serbisio kadakuada. (PGIN-CMO)
Comments
Post a Comment