Wen, naipakita manen ti naurnos a panagtitinnulong iti aramid
kas impaneknek ti kaadutayo iti sirok ti tolda iti nasapa nga agsapa ti
Sabado Disiembre 14 aginggana iti naladaw a malem idiay Magic Island, Ala Moana
Beach Park.
Kas ninamnama, adu ti boluntario a nakipagragragsak, ken
kinnatawa, kasakbayan ken kabayatan ti pannakaisagana ti programa, taichi,
zumba ken adu pay.
Ibilangmi a daytoy ti maysa kadagiti tipikal nga aldaw iti
biagmi kas maysa a volunteer ken kaatiddogan nga aldaw ta alas kuatro kinse ti
parbangon, addakamin iti dalan nga agturong iti Magic Island a
pakaangayan AARP/OFCC Family Fun Walk iti naannad a panagmaneho iti kapardas
iti 60-65 a milia kada oras iti freeway nga addaan 55 speed limit.
Alas kuatro y singkuenta iti apagsipasip nga aglawag iti
dumtengkami iti parke sangapulo a minutos sakbay ti nagtutulagan a kaaddami iti
grupo. Inawagak ni Jun Abinsay nga addaakon iti parke.
Apagisu a makaparkingkami, isu a sumangpet ni Angie Dytioco
Santiago iti abay ti luganko. Ni Angie ti1vp OFCC ken isu ti maysa a matalekmi
unay kas Co-Chair iti OFCC Special Projects, aktibo a lider iti Bulacan Circle
of Hawaii.
Sumagmamano a minutos simmangpet da Rev Alex Vergara ken
Marianne nga asawana a nagparking met iti sangok. Ni Reb. Vergara ti maysa
kadagiti direktor ti OFCC ken isu ti nakagun-od ti kangatuan a botos idi OFCC
kombension idi Hunio 2013 a naangay iti Philippine Consulate General. Aktibo a
lider iti Cagayan Valley Association.
Simmaruno a simmangpet dagiti agassawa a Larry ken Connie
Ramirez[INCAT]. Nain-inuten a nagsangpet dagiti dadduma pay nga opisial a
pakaibilangan da Jun Abinsay, Loida Yamamoto, Jean Jeremiah, Baybee Ablan, Luz
Peirson, Cesar Caoili, Rossi Patton, Jesse Pascual, Hermie Pagaduan, Charlene
Cuaresma, Gus Concepcion, Bill ken Hermie Gaspar, Antonio Ipalari, Paul
ken Estrella Taong, Salvador Obaldo, Josefine Takemoto, Jenny Quezon, Dr.
Julius Soria, kdpy.
Adda met ti volleyball nga inturong da Reb. Alex, Conrad, Ben,
Jun ken Faatea iti John Burns Youth Development ken toy nagsurat.
Tay pagsasao a nalag-an ti aramid no pagtitinnulongan ken
pagbibingayan iti agdadanggay nga im-ima ken agsisinnurot a pampanunot.
You gave your time, you gave life to our organization because of
your invaluable contributions such as this particular family fun walk.
Saantayo a perpekto, amin nga aramid ket saantayo a maperpekto.
No ania ti pagkurangan, isu ti intayo punnuan. No ania met ti nalabes, isu ti
intayo kerrasan.
Ti aramid a makita, isu ti bunga ti sao.
Kas kadagiti amin a proyekto ti OFCC a nakipartisiparanmi,
maibilang daytoy a maysa kadagiti kaballigian babaen iti liderato ni Jean
Jeremiah, nupay adda latta met dagiti agkuna a ‘kastoy koma’ ngem agpatinggada
laeng iti koma. Dillaw dita ti adda.
Nasapa a paset ti Agosto no saankami nga agriro isu pay a
rinugiantayo ti pannakaangay ti tunggal Mierkoles a miting iti St. Anthony
Parish Hall babaen iti akomodasion dagiti agassawa a Ben ken Carmen Cabreros.
Iti biangmi, saanmi a masbaalan ti ragsak gapu kadagiti ayatyo a
nakidanggay itoy umuna a gannuat. Kuna ni Jun Abinsay, maysa kadagiti
kapingetan a lider itoy a proyekto, Walk For Fun, ket saan a panangbagkat ti
ubet, ngem isu ti nagkuna a medio nainaig a nakaangayan daytoy iti proyekto ti
Annak Ti Sinait ken Sinait tunggal umuna a Sabado iti bulan. Ar-aramiden metten
ti Vigan Association fun walk iti tunggal maikadua a Sabado.
Kas bungana, kas ragup nga aramid, ragup a pannangted tiempo,
gapu iti adu nga ayatyo, saannatayo a pinaay ti panawen. Saannatayo a pinaay
dayta gannuat.
Saluduanmi amin dagiti partisipante ken dagiti nangidaulo itoy a
pasken a pakairamanan ti OFCC, AARP, dadduma pay.
Comments
Post a Comment