Dagiti sagut ti biag

Dagiti sagut ti biag 

Amado I. Yoro

Nakitak ti bullalayaw

iti laud

ken iti daya

iti rawis dagiti Eucalyptus

iti Makaha Valley

uray iti sellang dagiti bantay

iti Kaneohe

adu dagiti maris

tanikala
ti amin a lagip:

Kenka ti sabong ti agsapa

Pannakaipasngay!
Kenka ti musika a sibibiag:

Kayaw!
Ti daniw, biag met

Ti umang-anges a darikmat

Adda saguday ti arbis no matnag kenka, 

Uray ti tudo no maregreg kenka tinukelna

Kas iti biag nga agpitik

Umisem met ti init a natarnaw

Uray ti baybay itundana

Ti pul-oy

Ket ti bulong agkanta manen

Ti bigat

Ti agmatuon

Ti malem

Ti baresbes

Ti muyong

Ti langit

Ti ulep

Ti sadiwa

Ti kadaratan

Ti bibig

Ti baybay

Ti tangrib

Ti taw

Nalawa a lubong

Ti kalapati

Sagut kenka dagitoy

Ti anges

Biag met

Sagut