Daytoy ti impanamnama ni Gobenador Ma. Imelda “Imee” R. Marcos kadagiti nagduduma nga ili a pagturturungan ti MDG Christmas Caravan a pagibunbunungan na kadagiti pangnuche Buena package ken daduma pay a kiniddaw dagiti MDG families. Kuna na nga adu dagiti proyekto infrastractura a mabalin a panggedan dagiti kaprobinsiaan kangrunaan na dagiti saan a nakangato iti adal na. Dinakamat na nga adu pay dagiti kalsada a saan a nasemento a rebbeng na a matarimaan dagitoy tapno alisto ti panagdalyasat kangrunaan na dagiti aggapu iti away. Inlawlawag ti gobernador a nasken a matarimaan ken masemento amin dagitoy tapno alisto pay iti pannakaibiahe dagiti produkto dagiti agtaltalon a maiturong iti sentro. Nupay kasta, imparipirip ti gobernador a napatpateg a maipaayan ti importansya iti isyu ti danum ken pannakatarimaan dagiti irigasyon ken kanal para iti agtikultura. ( PGIN-CMO )
Online edition of The Ilocos Times, a community newspaper based in Laoag City, Ilocos Norte.