The Ilocos Times

nagimnas a darepdepen dagiti banag a kayat a pasudien ta ti tarigagay a mapalugodan nga agbariw-as. adu dagiti madalapusna iti langalang adda baresbes a palalo't litnawna a mangdepdep waw ni karayo. adda rangkis a masapul a kalay-aten agingga a magteng iti pantokna anian a kinapintas ti aglawlaw; maidarnap ti darepdep a kayat nga ikutan nawada, awanen dagiti batbato ken gabat nainayad a pannagna ti naannayas a darepdep. sika ken siak nagtengtan iti kinaimnas pateg ti dayaw a kinalikagumanta a magteng. ni Elizabeth Madarang Raquel Brgy 3, Laoag City

Mangrugi iti daytoy nga issue, irugitay man ti monthly horoscope, kailian. Intay tan-awan no ania dagiti mabalin a gunay dagiti bitbituenyo iti uneg ti maysa a bulan. Ngem intay laglagipen a ti gasatyo agdepender met laeng kadakayo. Ken no iti Dios inkay agkararag, magun-odyo ti naimbag a biag. Siempre, kas nainkasigudanen iti daytoy a column, adda met latta ipadigomi a “listaan”. Iti daytoy a lawas, ammuentay man dagiti lima a paborito a taraon dagiti Ilocano, a no masobraam, mabalin a pakaisagmakan. *** Gasatyo iti daytoy a bulan: AQUARIUS – Nasam-it dagiti isem nga ipasabat ni bes kenka. Agsaganaka, umutang dayta. Lucky color: Pink. Lucky numbers: 5-6 PISCES – Maammuam a gimmatang ti baro a brief ni papam. Agsiputka, adda sabalina dayta. Lucky color: Red. Lucky numbers: 1-30 ARIES – Madlawam a peke dagiti uyek ti maysa nga empleadam. Sintirem, ag-absent manen dayta. Lucky color. Yellow. Lucky numbers: 13-3 TAURUS – Makitam nga aginbi-busy ti kaobraam. ...

Ni Amado I. Yoro NabirokaK man [wenno saan] ti kinaasinok Iti ngalay ti panagbirok ken panagtawataw Adtoy: subliak ti ramutko iti kinasudi a Saan nga aglumen daydi indayon ken Dagidagi ti duayya ken panagkansion Ti tudo ken dagiti sabong Iti kinawayada nga agsasala iti salonan Adtoyak ita iti sabali a pannakainaw-pannakasikog Iti sabali a pannakaipasngay ! Nagkupas kadi ti tugot Naugotan kadi ti ramut Ti ammok, magna, umaddang latta daytoy dapan Toy kayumanggi a gurong Iti sabali a panagubing ken kinaagtutubo Dagiti agkabannuag a panagem Subliak a sirayen ti tumaytayab Ngatuen burayok iti pikkan kas iti sallapingaw Agampayagda latta uray dagiti tuwato Iti law-ang ti init a sumsumged Daytoy kinaagtutubo nga isem dagiti kasingin ti sutil Wenno sariwawek ti sirmata Ti panagbaniaga Iti isu met la nga init Riniwriw a darerpdep Nailaga met latta ti karit A mangsuba allon Dagiti kumalatkat a sirmata A balangat ti balligi Uray dag...