Ni Rodel Moreno Jr. Naragsak a rugi ti inna inpaay, Dik napanunot nga into ket malpay Ti ayat, nga naminsan na nga inpaay, Itan ket napukaw, ti damag ko apay? Apay nga kasanu iti napasamak? Isuna't pummanaw, siak imbati nak Itan agsangsangit puso ken kararwak, Agsubli pay ngata mangpabang-ar toy riknak? Kastaunay iti panag ladladingit, Kada malagip uray ko la maisangit Dik ammun nu kasano, makapabagtit! Makaungar pay ngata pusok nga napitpit? Kasano itan nga makakatawa? No intugot na amin, awan imbati na, Ngem uray manpay timmalaw ka, ay-ayaten ka latta Ta sika lat makaigapu no apay sisibiag nak tatta.
Online edition of The Ilocos Times, a community newspaper based in Laoag City, Ilocos Norte.