Kalpasan ti naunday a panawen, addan pasdek a pagtalinaedan ti imahen ti patron ti Badoc iti mismo a lugar a simmangladanna di tawen 1620. Babaen ti panangidaulo ni Ilocos Norte Gob. Ma. Imelda “Imee” R. Marcos, nainaguraran ti baro a kapilya idiay barangay La Virgen Milagrosa idiay Badoc idi Disyembre 8, 2013. Ti okasion ket tinabunuan dagiti opisial ti probinsia babaen ti panangidaulo ni Marcos kasta met dagiti padi iti simbaan Romano Katolika babaen ti panangidaulo ni Obispo Renato Mayugba. Sakbay ti pannakabendision ti kapilya, naisayangkat ti nasantuan a misa kalpasan ti pannakiayakar ti imahen ti Milagrosa a Birhen manipud iti simbaan ti patron ti ili. Kabayatan ti homily, saan a nagawidan ni Mayugba ti nangdayaw iti langa ken pakabuklan ti pasdek. Iti pannirigan ni Mayugba, a dua a banag ti kayat nga ipasimudaag ti pasdek nga aglang-langa a kas napakleb a bangka. Dagitoy ket ti panagtalek iti Virgen Milagrosa tapno agbalin a pammalagip kadagiti amin a devoto ti a
Online edition of The Ilocos Times, a community newspaper based in Laoag City, Ilocos Norte.