ni Rodel P. Moreno Jr. Nakusbo, naidalutaytay, Nailupeklupekak. Rigat ken tuok, Nagibturak; Iti lamiis ti lam-ek, Kimsialak; Kusilap ti init, kinessetnak; Ti nadawel a pug-aw ti bagyo, Inwaraiwina ti namnamak; Ket, iti baet dagitoy, Napukaw kaniak ti garakgak, Napukaw ti ayat- Kaarigna, napukaw ti biag. Ngem, Timmangadak: "Saan," kinunak. "Awan aniamanna kaniak!" Ta kalpasan dagitoy a naglasatak, Kas iti kawayan a nakusbo Iti napigsa a pug-aw ti allawig, Bimmangonak a nakired, Nabilbileg, ken napigpigsa Ti pammatik iti pannakabalin Ti Apo a Namarsua.
Online edition of The Ilocos Times, a community newspaper based in Laoag City, Ilocos Norte.