Ni Leonardo Rosqueta Agonoy POLITIKA! Adu a tattao wenno umili ti ulawenna. Politiko, naruayda. Iti kaaduda, matikawka no asinoda ti pudno a butosamto. No pudno nga isuda ti makatulongto ti ilulung-aw ti panagbiag ti tunggal maysa. Pangenpangen. Saggaysadanto manen nga umay manumtubalay. Mamerienda ken mainum ti balonda nga iyawat kadagiti botante. Kasla aso ken pusa met ti idiar, kababalin dagiti agsusupangil. Begbegento met ti media dagita nga isyu ti politika. Kasano itan? Di met ammon no asino ti patiem ti sasawen ti tunggal maysa. Ngamin, kaarig met dagiti politiko ti upa a manok - kutak-a-kutak a di met maka-itlog! Anian sa itan? Ti met gayam agtutunggali nga isyu ti politika ti wagas a panaglatak ti kinaasino ti tunggal politiko! In short , awan ti maidumduma ti kinaasino dagitoy. Maymaysa ti burikda! Burik ti buaya! Kasla alinta pay ti kaarigda! Kunatayo a puera de los buenos? Kakailian. Masaotayo laeng ditoy iti kinabuklis, kinagamrud ti kaaduanna a politikota
Online edition of The Ilocos Times, a community newspaper based in Laoag City, Ilocos Norte.