Agbatay iti natalged nga ima ken tunos dagiti kamkameng ken ti liderato ti balligi ti maysa a gunglo.
Mabangon ti gunglo
tapno maisayangkat ti/dagiti napintas nga objectives ken goals para iti
pagsayaatan ken pakairanudan dagiti kameng ken ti komunidad.
Agpaut ti gunglo, ken
agballigi daytoy no awan ti makuna nga utek kappi. Ketdi, agturay ketdi iti
pinnarbeng, respeto ken panagtutunos. Awan ti makuna a linnumbaan. No
agkalikagum ti maysa nga agbalin a pangulo, adda pagsasao, umuna koma a natudio a pasurot, a kitaenna nga isu ket natudio a kameng. No adda napintas a singasing ti maysa, ited
dayta iti respeto. Saan a takkaban, saan nga agawen. Ketdi, ited ti hustisia, ited ti pammigbig no asino ti akin-utek a
maipaayan iti kredito.
Kunak daytoy ti
gapuna, no dadduma, adda a mapasamak dagitoy iti dadduma a gunglo. Banag a
pangrugian ti panagsisina, ken no dadduma, tumaud manen ti sabali ti gunglo.
Panagkaykaysa ti
kanayon a birbiroken ken kalkalikagumantayo a kas komunidad. Ngem no dadduma,
saan a kas iti namnamaentayo ket mapasamakda.
Adda met dagiti
natunos ken naannayas iti panangisayangkat ken panangipatungpalda kadagiti
napintas a proyekto.
Itoy a gundaway,
dakamatek ti GUMIL Oahu a pagbatayan no apay a kunaek nga agpaut ti gunglo iti
natunos a liderato ken dagiti maseknan.
Saan a gapu ta
maysakami a nakipagbangon idi Agosto 13, 1996 ken dakami ti immuna a
presidente, ngem iti bukodmi a pammaliiw
ken mapaneknekan a pudno dagitoy a padas, ibilangmi ti GUMIL Oahu, kas maysa a
unit organizations, kadagiti kaaktibuan
a gunglo iti Hawaii kadagitoy a panawen, 25 ket lima a tawenen a sibibiag ken
agtultuloy dagiti napintas a proyekto.
(Ammomi: adda met
dagiti immun-unan a nabangon ngem pokustayo ita ti GUMIL Oahu)
Bigbigenmi dagiti
pasado presidente ti GUMIL Oahu kalpasan
ti panagtakemmi idi 1996-2001 ken simmublat da Gladys Menor, Rafael
Alimbuyuguen, Sandy Lasquero, Rizal Fernandez, Silvino Bermisa, Jr.
Agdama a presidente ni
Eddie Bueno kas iti pannakailayonna para iti 2021-2023.
***
IDAULUAN NI PRESIDENTE
EDDIE BUENO a nagsapata dagiti kabarbaro nga opisiales ti Gumil Oahu para iti
2021-2023 babaen iti panamagsapata ni Amado Yoro, founding president, idiay
Waikele Country Club kas napateg a paset ti selebrasion ti maika-25 nga
anibersario ti gunglo ita a sardam ti Biernes, Agosto 13, 2021.
Kadua ni Bueno a
nagsapata da Mila Fernandez, umuna a bise; Gladys Menor, maikadua a bise;
Dolores Baddo, recording secretary; Emelyn Damo, corresponding secretary, Nena
Bueno, tesorera, Divina Menor, katulongan a tesorera, Myrna Villegas, auditor;
Delia Nartatez, katulongan nga auditor;
Public Rellations
Officers da: Eddie Agpalza, Tessie Tabios, Maryvic Dumlao, Virgie Farinas;
Direktor da: Amado
Yoro, Rizal Fernandez, Imelda Collado Ortega Anderson, Lina Domingo, Tony
Nartatez, Estrella Taong, Elizabeth Alimbuyuguen, Tessie Vigilla;
Security officers da
Paul Taong, Eddie Villegas, Joe Dumlao;
Kallabes unay a presidente
ni Silvino Bermisa, Jr.;
Mamagbaga da Reb
Danilo Laeda, Cles B. Rambaud, [Bannawag Editor] , Engr. Ric Agnes, Rafael
Alimbuyuguen, Flor Martinez.
Retirado a Hues
Artemio Baxa, legal adviser.
Ni Flor Martinez, Mr.
Parbangon iti KNDI ti nangiturong ti programa.
Ni Dra. Estrella Pada
Taong, ti nangidalan ti kararag.
Insalaysay ni Gladys
Mae Menor, dagiti napateg ken kangrunaan a proyekto ti GUMIL Oahu iti las-ud ti
25 a tawen a pannakabangon ti GO.
Naiparang dagiti 3 a
Mutia ti Gumil Oahu, Mila Fernandez, 2009, Nena Bueno, 2015, Emelyn Damo, 2020.
a dinaniwan ni mannaniw Rafael Alimbuyuguen.
Naiparang dagiti
salsala kultural ken kinnantaan ken Bukanegan babaen dagiti kameng.
***
DAGITI
CO-ORGANIZERS: DAGITI NANGYUNA
The original
organizers and their respective organization:
1. Rep Jun Abinsay
2. Ric Agnes
3. Romualdo Agustin,
Isabela Hawaii Association
4. Namnama Baptista,
Sinait National High School Alumni Association
5. Felipe Blanco
6. Carayo Caoile,
Fil-Am Courier
7. David Cordero,
Fil-Am Courier & Hawaii Fil-American Media Council
8. Maggie Domingo,
United Filipino Council of Hawaii president
9. Larry Fiesta,
Divine Word College of Laoag College Alumni Association of Hawaii
10. Jerry Ilar,
Isabela Hawaii Association
11. Mona Ilar, Isabela
Hawaii Assn president
12. Rev. Jose Lazo,
UFCH Resourceperson
13. Arsenio
Macadangdang,
14. Marlene Manzano+,
Fil-Am Courier [+deceased]
15. Ben Mendoza.
DWCLCAAH
16. Gladys Mendoza.
DWCLCAAH
17. Gladys Menor
18. Leticia Pascua, DWCLCAAH
19. Fred Quibol, Falea
20. Victor Rayo,
Bannatiran Association of Hawaii
21. Evelyn Rojo,
22. Gerry Rojo,
23. Rina Sagayadoro,
DWCLCAAH & Isabela Hawaii Assn
24. Tony Sagayadoro+
DWCLCAAH & Isabela Hawaii Assn
25. Estrella Taong,
Sinait National High School Alumni Assn
26. Paul Taong, San
Juan Lapog
27. Arlie Tagayuna,
Fil-Am Courier
28. Helen Ulibas,
29. Mike Ulibas
(+deceased)
30. Amado Yoro, UFCH
Publicity & Pluma Connection: Ditoy Hawaii
31. Elias Yoro +,
Sinaitenians
Ti GUMIL Oahu ket
maysa kadagiti nakipagbangonanmi kadagiti sumagmamano a gunglo iti Oahu. Mairaman iti Ilocos Surian Assn of Hawaii,
Pebrero 27, 1977, Vigan Assn of Hawaii and Associates, Agosto 1983; Honolulu
Fil-Am Lions Club; DWCL College Alumni Assn of Hawaii, Mayo 13, 1990; Isabela
Hawaii Assn, Hulio 1992; ; Sinait Alumni
Assn of Hawaii, Hulio 16, 1995, Hawaii Filipino American Media Council May
1996; Annak Ti Sinait Iti Hawaii Disiembre 13, 1997, kdpy, aktibo dagitoy iti OFCC/UFCH.
Patienmi a makapagpaut
dagitoy gapu iti respeto ti tunggal maysa, pinnarbeng, panagtutunos, nawaya a
saritaan, nalawag ken nalinis a record. Responsible leadership, a “we”
leadership.
“Community
organization is people’s organization, not a personal property, with fiduciary
duties”
Tapao Sinait: Ina,
O, Ilik
Amado I. Yoro
Ewa, Hawaii
Ket taliawenka saan
kadagiti balligik
Wenno dagiti saanko a
balligi
Sublianka a sika ti
nagramutak
Ti daga a nagkaradapak
iti kinaubing
Mariknak, wen,
mariknak bara ti saklotmo
Iti sang-aw dagiti
hibiscus wenno gumamela
Ket artapan latta ti
ayamuom ti sampagita
Ket no dagiti lei a
mayukkor kaniak, saan
A para kaniak laeng:
sika, Ina
Balligim met dagitoy,
saan a siak laeng.
Ket sublianka, wen,
umayak, saan a ti iliw
Umayak gapu iti
pategmo, iti nakairuamak
Nga indayon ta kayatko
latta iti paindayon
Iti pallayog kas iti
pendulum iti pagarosan.
Kanayon nga addaka iti
lagip
Saanka a ganggannaet,
kasta koma met kaniak
Pasetka kas iti
kapessat ti kurdonko
Pasetka kas iti
kinasiak, kasta koma met kenka
Ti pakabuklak, sika,
Ina, ti nanginaw ken nangipasngay
Iti kinanumok:
idaydayawka, Ina
A sika ti kayaw, ti
kibin, ti kired
Ket iti yaadayok sika
ti tampok
Ti tuntontonek a
kaibatogan
Ti pasetmo-pasetko
met.
Ket matmatanka, Ina,
ammok ti kinasudim
Awan mulit dayta rupam
Iti awan ganggannaet a
rikna
Ti sigud a singed
ti sigud a talek
ammok nga addan
nagluposam
iti maysa a kinapudno
iti napudno a
panangimaton
iti napudno a
panagserbi
napimpintaska manen,
Ina
ket no makasangpetak
man
ammok: sika ti Inak,
sika
ti nangtagibi ken
nangubba kaniak
itanamitimkonto, iti
umel a kararag
agbiagka: libnos ti
Tapao
agbiagka: pusaksak ti
Ina
agbiagka: ayat
toy anakmo, sipapakurang
a sumangpet kenka
iti man balligi
iti man pannakapaay
ngem siak daytoy:
anak.
Adtoy kenka toy anak!
Comments
Post a Comment