Skip to main content

Eureka: Katimbeng ti pateg dagiti napukawko iti Hawaii ti nasarakal ditoy Las Vegas

By


Paset ti panagbiagko dagiti napateg a bambanag a napukawko iti Hawaii a nabukelko iti kinasiak kabayatan nga addaak sadiay iti aganay a 52 a tawen. Nakail-ilala la unay kaniak gapu ta isuda ti nangrugiak, isuda ti namagbalin a pakabuklan a paset ti kinataok, propesion, trabaho ken iti komunidad a pakaibilangan ti Lions Club International, GUMIL Hawai, GUMIL Oahu, Timpuyog, Oahu Filipino Community Council, United Filipino Council of Hawaii, Order of Knights of Rizal, Annak Ti Sinait Iti Hawaii, Vigan Association of Hawaii & Associates, Honolulu Fil-Am Lions Club; Hawaii Fil-Am Media Council, Laoag City Circle, DWCLCAAH, Tri Media Council,  Leeward Oahu Lions Club, Hawaii Lions Club, District 50;  Filipino Fiesta, Sinait Alumni Association of Hawaii, Ewa Neighborhood  Board, Friends of Ewa,  Ilocos Sur International Association and Foundation, ken dadduma pay.

Tagipatgek amin dagiti innak pannakipulapol kadagiti adu a gagayyem, ken dagiti padak a volunteers kadagiti nadumaduma a programa, proyekto ti organisasion  katimbeng met ti nasarakak iti Las  Vegas, iti ibilangko itan a baro a daga, baro a komunidad, baro a taeng.

Adda ditoy ti kapatgan iti biagko, iti biagmi nga agassawa ti kakaisuna nga anakmi ken ti dumakdakkel a kameng ti pamiliana.

Isu ngata ti gasatko ken kaibatogak iti panagalla-allak. Panagkallautang. Kayat man ken saan, makikuykuyog ti adu nga utang. Utang a naimbag a nakem, utang pinansial.

Pannakayadayo iti lugar a nakairuaman, ti man daga a nakayanakak. Maysaak a tawataw, wenno bayanggudaw.  Addaan met iti bukod nga arapaap ken sirmata iti biag.

Iti sangkakunak: siak ti mayarig iti sasos, wenno umang, wenno upa nga agbirok iti kamangan.

Ita iti kastoy a kasasaadko, masubliak man ketdi dagiti luglugar a nagalla-allatiwak.

No adda mapanawak, adda mapukawko.

No sadino ti pakaisadsadak, adda met mabirokak.

Idi pumanawak idiay Tapao, Mayo 1966. Awan ti aniaman a balonko. Saanko a binalon ti pungan ken ulesko. Saanko nga intugot ti iddak a papag a naaramid iti nakayasan a kawayan. Awan balonko nga ikamen.

Idi addaak iti siudad ti Pasay ken iti Manila, kaskasdi nga awan ti ikamen, pungan ken ulesko. Nakipagyanak iti barongbarong iti igid iti agar-arek-ek a narugit a waig, ken iti sidiran ti sementerio iti La Loma Chinese Cemetery Tambunting, Binondo, Manila. Nagtrabahoak a kas sulnit iti nagan a Genaro Guzman, PHP3.50 tunggal aldaw. Agkali iti tanem, agaramid, agsemento iti panteon.

Iti kaaddak iti Laoag City, ( 1966-1970) kaskasdi nga awan ti kama a nagiddaak. Daan a rikep ti tawa a naaramid iti kapis ken nagsusukot a karkarton ken ules ken moskitero. Ditaak a nangkunnot kas iti panagkunnot ti maladaga iti suso ti inana. Kunnotek, sisipek ti anag ti napateg nga adal ket iti Divine Word College of Laoag a nangileppasak iti bachelor degree, history major.

Idi napanak iti Hawaii, awan doliarko. Kaaduan nga inutang dagiti ginastomi nga aggaama.

Kaaduan a paw-it dagiti naglaon iti maletak. Adda pindang a pusit wenno laki. Dinaing. Napagango nga ik-iket ken aragan (seaweeds). Adda bawang. Bulong ti tabako.  Mabalin a tallo paris laeng ti aruatek.

Iti Hawaii ti nangrugiak a nangbangon ken nangbukel iti kinaasinok.

Nangrugiak iti nababa a kita ti trabaho iti plantasion ti kaunasan. Ultimo a utility field work US$2.10 per ora.  Agikay-o ti daga, Agmula ti pulapula. Agsabidong. Agpadanum, ground flow, and drip irrigation. Bodegero. Naum-umsi ken nakatkatawaan.

Dayta la kanon ti kabaelak a trabaho,maysaak a degree holder. Naileppasko ti kolehio.

Naigamerak iti komunidad. Aganay a 52 a tawen a naipulapolak iti komunidad. Adda pasetko iti komunidad iti Hawaii iti adu a banag. Trabaho. 

Iti nalaus a panagkedkedko nga umay ditoy Las Vegas, isu met iti pannakalunag ti pusok iti kalikagum ti kakaisuna nga anakmi nga umaykami ditoy tapno as-asideg iti ayanda a sangapamilia.Nangnangruna pay  iti kalikagum ni Gloria gapu iti kastoy a  kasasaadna. Abus man pay ta agpapaimbag, now in her   five years in road to recovery, mailiw kano la unay kadagiti tallo nga appokomi.

Napukawko ti St. Paul's Episcopal & Philippine Independent Church (Iglesia Filipina Independiente) iti Queen Emma Square Honolulu, Hawaii a nagserserbianmi nga agassawa kas aktibo nga opisial  aganay wenno sumurok a 39 a tawen no inrugimi iti 1984, nagserbiak kas Bishop Warden (presidente) iti simbaan (1991-2007) iti panangimaton ken panangtarabay dagiti tallo a papadi a nagsisinnnukat da Rev. Fr. Tim Quintero, Rev. Imelda Padasdao, Rev. Canon Randolph VN Albano, iti tallo nga Obispo da Rt. Rev Donald Hart, Rt. Rev. Richard Chang, Rt. Rev. Robert Fitzpatrick ngem nagasat ta nasarakanmi ti Epiphany Episcopal Church ditoy nagsulian ti Cactus Ave/Gillespie St. Las Vegas, Nevada,

Napukawko dagiti fellow volunteers kadagiti adu nga aktibidad iti Hawaii pakaibilangan iti Feed the Homeless, Adopt a Highway iti Farrington Highway Waipahu, Kalihi Street ken Likelike Highway, Kalihi, Ti Hawaii Food Bank, Life Savers Club, Blood Bank of Hawaii, The Tree Planting for Life; Make America Beautiful, bus shelter construction, graffiti buster program, Weed & Seed with Narcotic Division, Honolulu Police Department, painting school bletcher, painting the  house of the blind, Feed the Orphanage, Feed the Elderly, Walk for Life ken dadduma pay ngem naigasatak ta nasarakak ti Food Bank & Distribution ditoy Stober Blvd, Las Vegas, Nevada.

Napukawko ti ABC Group Burger King Coffee Hour a kaduak pakaibilangan da sigud a State Representative Romy Mindo, Grand Knight ken UMPIL, Bucaneg Awardee Francis Ponce, Pat Bolo, Hermie Estrada, Martin Mendoza, Virgilio Banda, kdpy, adda Billiard gameko inaldaw malaksid iti Sabado ken Domingo.

Namissko dagiti nasayaa a  dodoktor pakaibilangan da Dr. Charlie Y. Sonido, Dr. Lo, Go, Bautista, kdpy, ngem ketdi adda met dagiti nalaing a dodoktor ditoy pakaibilangan da Dr.Dizon, Dr. Avelar, kdpy. Adda met ramutda a Filipino a kas kaniak.

Nayadaoak iti kakaisuna a kabsatko a babai ken dagiti kakaanakak ngem itan kas katimbeng dagiti napukawko, nadennaanmi ti kakaisuna nga anakmi ni Cheryl Lei Balcita ken ti pamiliana

Iti pito a bulanen a kaaddami ditoy Las Vegas, saanak pay a nakapasimsimpa. Kaslaak agkarkarawa ken agmatamata pay laeng ditoy.  Sadino ti daya a taudan ti init ken iti laud a lennekan ti init; ti abagatan iti gagan-ayan ken amianan iti Big Dipper. Adu pay ti birbirokek.

Masapul met ti naan-anay a panawen.

Iti bukodko a pammaliiw, sabali ti Las Vegas iti man paniempo, iti napalaus a kinapudot; kasta met iti agkutkutimermer a lamiis. Presio dagiti magatgatang, taraon, aruaten, nalaklaka la ti presio ket makattulong iti aginaldaw a  panagbiag.

Adda ketdi makitak kadagiti bukodko a mata, adda panagpada ti Hawaii ken Las Vegas.

Maibilang dagitoy. dagiti street people, dagiti homeless. Addada iti sulsuli iti kanto, karenderia, iskinita. Adda met dagiti sapawsapawda kas iti man daan nga ules, tolda, karkarton. Iggemda ti dakkel wenno bassit a pedaso a karton, naisurat. I need help. I am Hungry. God Bless.

Numan pay saanak pay unay a nakapagpaspasiar ditoy, dagiti ketdi nakitakon dagiti sumagmamano a pagtagilakuan, restauran, ken dadduma a negosio, kukua ken imatonan dagiti kadaraan.

Nupay saanak pay a nakikamkameng kadagiti gunglo Filipino ditoy,  adda naammuak nga Ilocano American Association in Nevada [IAAN], segun iti nabasak nga impormasion ket addaan iti aganay a sangapulo ribu a kamkameng.

Ket nupay saanko pay a nakontak, ngem kadagiti masungad nga aldaw, ikagumaakto a kontaken daytoy nabasak a maysa ken kakaisuna nga UMUNA  a  FILIPINA a kameng iti Nevada Assembly [ Legislature]  a segun ti nabasak adda ramutna manipud iti Mindanao.

Iti Hawaii, ni Atty. Peter Aduja, tubo ti Vigan, ti umuna a Filipino a nagkameng iti Territory of Hawaii Legislature idi 1954-1958.

Kangrunaan nga ibilangko a kapatgan a gameng a nasarakak ditoy kunada a siudad ti basol, wenno siudad ti disierto,  ditoy sirok ti sumsumged ken dumardarang nga init, isu a sinursurotko: THE BEST OF THE BEST OF ALL TREASURE, I have found,  for me, ni Gloria ken siak addakamin a mayasideg iti kakaisuna nga anakmi ken ti pamiliana. Awan ti baet a taaw ken rinibu a milia. Adda talged, adda talek,  no balitok man dagiti napukawko idiay Hawaii, nabirbirtud, nabalbalor ti nasarakak ditoy: EUREKA: nasarakakon. I’ve found it,  a bunga ti "The Love and Sacrifices, beyond the promise "I. DO", and the CAMELIAJOS Offspring:  Anak, Manugang, Ina, Ama, Appoko, ditoykami kas PAMILIA.

Labels:

Comments

Post a Comment

Popular posts from this blog

Empanada festival: A celebration of good taste and good life

By
By Dominic B. dela Cruz & Leilanie G. Adriano Staff reporters BATAC CITY—If there is one thing Batac is truly proud of, it would be its famous empanada-making business that has nurtured its people over the years. Embracing a century-old culture and culinary tradition, Batac’s empanada claims to be the best and tastiest in the country with its distinctive Ilokano taste courtesy of its local ingredients: fresh grated papaya, mongo, chopped longganisa, and egg. The crispy orange wrapper and is made of rice flour that is deep-fried. The celebration of this city’s famous traditional fast food attracting locals and tourists elsewhere comes with the City Charter Day of Batac every 23 rd  of June. Every year, the City Government of Batac led by Mayor Jeffrey Jubal Nalupta commemorate the city’s charter day celebration to further promote its famous One-Town, One Product, the Batac empanada. Empanada City The Batac empanada festival has already become an annua
8 comments
Read more

Pagudpud’s tourism transformer passes away

By
By Leilanie G. Adriano Staff reporter LAOAG CITY—Retired Philippine Air Force Col. Ricardo Nolasco Jr., owner of Hannah’s Beach Resort and Convention Center in Pagudpud, Ilocos Norte passed away on Wednesday evening, July 11, 2018. He was 67. “He did not survive an open-heart surgery,” said Ronald Dominguez, spokesperson of the largest resort at Brgy. Balaoi in Pagudpud. Known as the architect behind the transformation of Pagudpud town as a premiere destination of the north, Mr. Nolasco put up Hannah’s Beach Resort in what was originally meant as a family vacation resort. The rest is history when it expanded into more than 300-room executive villas and cabanas, with on-going infrastructure developments and set up various amenities. As a result, hundreds of domestic and foreign tourists visit here daily. The resort is on a cliff by the beach, which provides a spectacular view of the sparkling blue lagoon. “Yesterday will go down my lifeline as one
Post a Comment
Read more

PGIN honors Ilocano heroes of past, present through Heroes Walk

By
SPO1 Allan Lampitoc Franco of Banna, Ilocos Norte and PO2 Jovalyn D. Lozano of Adams, Ilocos Norte receive a resolution of commendation, a certificate of college scholarship grant to their family members and a P20,000 cash incentive each from the Provincial Government of Ilocos Norte represented by Governor Imee R. Marcos and Vice Governor Angelo M. Barba in recognition of their bravery and heroic acts in the Mamasapano clash in Maguindanao on January 25. Mr. Franco and Mr. Lozano were recognized on March 10 in time for the unveiling of the second batch of Ilocano heroes at the Heroes Walk located along the Sirib Mile in Laoag City.  (Lei Adriano) By Jennifer T. Pambid PGIN-CMO In honor of the heroes who brought freedom, fame and glory to the province as well as to the country in the past century, the Provincial Government of Ilocos Norte (PGIN) through the Education Department and Sirib Youth Office launched the second batch of Ilocano Heroes Walk on March 10, 2015.
5 comments
Read more