The Ilocos Times

Iti labes iti sagrado ti balikas: I do [Para ken ni Cielo Alma a kasimpungalan] Ni Amado I. Yoro AGYAMANTA: Umay ti agsapa kas met iti yaay ti malem Ti malem yegna ti sardam iti salinong ti rabii Sagut, wen, sagut   ti Naindaklan Unay Namarsua Ta impagtengna manen a kas Maysa a kari, iti karit ken pannubok Duata laeng nga agdaliasat iti dana Iti pannakigasanggasat iti sang-atan Ken Salogan ti derraas a dadduma umay ti pannakatnag Iti kinalupoy Subaenta dagiti dalluyon duprakenna a kinatao Iti atab-linak ti dumaldalinesnes a taaw Iti sirok ti langit, agur-uray ti kaibatoganta.   AGKIBINTA: Iti hardin ni ayat agpayakpak latta ti kulibangbang sabong arbis agek arakup lua arbis ulep tangatang sonata tedted ti tudo awan man trahe de boda ngem iti nawatiwat a panagkuyog sika pay la ti ayatko daydi ayat nga insagutko iti umuna a panagdaton, no baliwan ti agbiag, sika pay laeng daydi a kari a kaduaka kadagiti pagnaak a dalan ti...