Sinaludsod man kadakami ni Dr. Chester Puño no ania ti pakasaritaan
ti Aurora Park wenno ti plaza ti Laoag. Napintas a saludsod ngem saanmi a
nasungbatan ta nakurang met dagiti inpormasion iti dayta a banag. Sapay koma
ngamin ta dagiti local historian ken tourism official ket irapinda nga adalen
ken ipublikar ti pakasaritaan dagiti daan a pasdek ken naduma-duma a lugar iti
Laoag.
Nagpintas koma a maammuan ti
pakasaritaan ti Aurora Park, "Oblation", Gilbert Bridge, Sinking
Belltower, St. William Cathedral, Ermita Hill ken dadduma pay. Ti turismo ket
saan laeng a bisbisti, parparada ken ar-arutittit. Dakdakkel koma a pasetna ti
pannakaiyadal ti pakasaritaan kas ti ar-aramiden dagiti sabali a lugar.
***
Adu ti makaobserbar nga agtaud manen dagitay agkekebkeb ken
agga-anggo nga agtutubo dita pagtutugawan iti lauden a mismo ti Marcos Stadium.
Ne, kalpasan ti R1AA ket
AREM-AA sa metten ti sumaruno. Awan met ketdi’t bibiangtayo a. Ngem saan a
maladaw dagita, annakko! Agbasakay pay ta kaasi met dagiti awan pay inananan a
nagannakyo. Pengdan ti arem tapno saan a mairarem.
Dagiti met guardia dita stadium, agsursurkay met ngamin
sagpaminsan tapno matinggaryo dagita a mapaspasamak. Tumakderkay met manipud
iti tugawyo sagpaminsan! Agronda kay met, brods! Apay dikay maktangan nga
agtutugaw nga agtutunganga lattan iti bayat iti dutyyo?
***
Pagyamananmi man gayam ti Land Transportation Office-Region 1 iti
panangtiliw ken panangmultadan ti driver ti maysa a delivery truck a namagbalin
a garahe ti maysa a pedestrian lane ditoy ciudad ti Laoag.
Inpasingked ti nasao nga
opisina a dagus nga aksyunanda dagiti kakastoy a reklamo kontra kadagiti abusado
a driver a natured unay a mangsalsalungasing kadagiti paglintegan.
Saludokam kadakayo, LTO
Region 1!
***
Kabayatanna, pagraramanantay man dagitoy lima a naikur-itmi a
pagsasao para iti daytoy a lawas:
1. Nalaka a mapasagidan ti
addaan kalkaluban.
2. Uray orig amin a badom, no
gangandiong met ti kinataom.
3. Ti obligasion a tinurugam,
isunto’t pakabangungutam.
4. Uray sitsitik no saan a
switik. Uray nagarbo no nagtaud iti linuluko.
5. Ti managduadua awanan
maipamaysa.
***
BARD NOTES: Happy bard-reading to Badoc ABC President
Virgilio Calajate, Ilocos Norte Provincial Treasurer Josephine P. Calajate,
INEC President Enrico Ruiz, INEC Director Joseph Vergel P. Calajate, Provincial
Agrarian Reform Program Officer II Vic M. Ines, DAR Chief Administrative
Officer Rudy Acacio, Ms. Genedine Domingo Jambaro and PNB Pasuquin Branch
Manager Metty V. Guerrero.
Greetings also to the employees of JVC Consortium, AMA
Laoag, Ilocos Norte Regional School of Fisheries, Laoag City PNP, DAR Ilocos
Norte, DepEd Laoag, DepEd Ilocos Norte and PNB Pasuquin.
Comments
Post a Comment