Skip to main content

Adda latta puso ti komunidad nga agayat

Image
By
Awan ti saan kadagiti kadaraan no kastoy a dumteng ti didigra ti padana. Kasano ngamin a mapagkedkedan ti maysa a tignay wenno kampania a mangur-or ti tulong no iti agdadata a kinapudno ket agsagsagaba dagiti kadaraan.

Ania la ket ngaminen a kinadamsak dayta a Yolanda a nangduprak ken nangdamsak ti katengngaan ti ka-Visayaan ken dagiti kaparanget a lugar. Ania la ket ngaminen aya a kinadawel ti inna inted kadagiti agindeg kadagitoy a luglugar. Ni awanan kaasi, ni awanan ti pilpilienna nga ilugluges ken iwagtewagteng iti kinadangkok daytoy a bandido ti kinadawel.  

Kinaranggas ti amin ti impaayna kadagiti amin a nadalapusna iti nakaparsuaan iti baba ti langit ken iti rabaw ti daga.

Dagita nga asug, dagita a saning-i, dagita kinarungsot.Biag, sanikua, saanna a pinakawan nga inggudas. Dagiti bangkay, dagiti nadalutaytay, dagiti ikkis, dagiti sangsangit ni maririgatan. Sangsangit ni nagpasina ken napanawan. Dagiti saan a malasin a kabagian ken kameng ti pamilia.

Inagaw ti dawel. Ginudas ti nasakit a panagsagaba.

Dagiti ipupusay ken saan a napakadaan a pannakaipusing ken pannakaibartay.

Ita a masursurat daytoy, nagtignay ti Hawaii, nagtignay ti komunidad, adda kaniakania a wagas ti panagur-or. Kania kania a panangidalan. Nagtignayen ti Rapid Response iti salinong ti Oahu Filipino Community Council [OFCC] a saksakupen ti Special Projects. Asu metten dagiti nanglesles  ti ima ti pagan-anayda. Adda dagiti kimmaut kadagiti bolsada. Dagiti nagpirma ti tsekeda. Adun nga naiwayat a kita ti panagur-or. Maibilang ti fishnet wenno cash net a  maitaya dagitoy batbateng ken supot. Dagitoy a boluntario a kaaduanna ti adda iti OFCC ken dadduma a gunglo Filipino a kas iti Vigan, Ilocos Surian, Sinait, La Union, Bulacan, Cabugao, ken no isapasap a sarita, amin amin a seknan ti panagayat ken pannakitinnulong.

Adu pay nakaeskedeul dagiti kita ti fundraising a maangay.

Ti OFCC Rapid Response ket nairanta a mangurnong tip undo, adda man ken awan ti kalamidad. Nairanta a mangurnos ti pondo, tulong a madagdagus a maaramat ken maited. Saan ketdi nga agkuti laeng ti komnunidad no umayen wenno madaman ti rigat.

Ti OFCC ken AARP ti agdanggay a mangisakad ti naindaklan a proyekto a mangitag-ay ti nasalun-at ken nasayaat a programa ti Family Walk For Fun para iti Disiembre 14, 2013 a maangay iti Magic Island, Ala Moana Beach Park iti asideg ti Waikiki.

Linawas iti tunggal Mierkoles ti miting nga idauluan da Jean Jeremiah, Angie Santiago, Baybee Hufana Ablan, Loida Yamamoto, ken aminen nga opisiales ti OFCC, ti Ilocos Surian nga ipanguluan ni Danny Villaruz, Jun Abinsay, Tessie Aganon iti Vigan ken dadduma pay a kameng ti nadumaduma nga organisasion.

Saan met a nagpaudi ti KNDI, aksion a dagus. Binuniaganda ti Operation Tulong.  Urnos  dita, koleksion ditoy. Kuna ni Station Owner/Manager Gerry Malabed: maawat amin a donasion, lupot, delata, ules, makan ken kuarta.

Adda met ti Filipino Chamber of Commerce, ti Kokua Philippines ken dadduma. Mapasungadan dagiti maangay a konsierto ken  dadduma a wagas. Ti nasken: ti maurnong tapno adda mainayon a maited.

Uray ti mayor ti Maui County Alan Arakawa ket nagtignay met a dagus a tumulong kadagiti agsagsagaba iti rigat.

Inkari met ni Hawaii Governor Neil Abercrombie ti tulong ti gobierno babaen kadagiti masnop nga ahensia ti turay.

Kadagiti simbaan, adda met dagiti relief fund ket inkarida met a tumulongda.

Wagwagenyo ti bolsa ken petakayo, kuna ni Apo Padi

Kas wagas a pangtulong, imbilin met ti Obispo ti Hawaii Diocese nga amin a koleksion iti Thanksgiving ket para ti Relief idiay Filipinas.

Adu metten dagiti grupo ti negosiante ken korporasion a nagited iti tulongda tapno maikkan ti maikadua a gundaway nga agbiag ken bumangon nga agbiag dagiti binasnot ti dawel. Baro a biag. Baro a namnama iti sabali nga aldaw.

Saan met a makidem dagiti sabali a puli ken nasion ti matada iti daytoy nadidigra a pagteng a namsaak ni Yolanda. No kasano ti kadakkel ti puso ti America nga ipanguluan ti agdama a presidente Barack Obama kas ti napardas a panangibilinna kadagiti ayudantena iti masnop a departamento ti gobierno, addadan sadiay dagiti rinibu a kameng ti puersa ken kameng ti volunteer groups.

Nakaukrad amin a takiag ken im-ima dagiti addaan puso a tumulong. Saanda met a mabalin ti agdalikepkep ken mangbuelta ti kastoy a buya ti panagsagaba.

Mangted. Mangted. Agayat. Agayat. Agayat iti pada a tao nga adda iti karitan. Ti Mata ti Dios, makitanaka. Ti Ima ti Dios, sagidennaka. Taoka, padaka a tao- a makatulong, a managayat. Ti aramidmo ket saan a barengbareng. Namnamanaka ni kapadam a parsua nga adda iti karigatan.

Ayat ti itedmo. Ayatto met ti maisagut kenka.
Labels:

Comments

Post a Comment

Popular posts from this blog

Empanada festival: A celebration of good taste and good life

By
By Dominic B. dela Cruz & Leilanie G. Adriano Staff reporters BATAC CITY—If there is one thing Batac is truly proud of, it would be its famous empanada-making business that has nurtured its people over the years. Embracing a century-old culture and culinary tradition, Batac’s empanada claims to be the best and tastiest in the country with its distinctive Ilokano taste courtesy of its local ingredients: fresh grated papaya, mongo, chopped longganisa, and egg. The crispy orange wrapper and is made of rice flour that is deep-fried. The celebration of this city’s famous traditional fast food attracting locals and tourists elsewhere comes with the City Charter Day of Batac every 23 rd  of June. Every year, the City Government of Batac led by Mayor Jeffrey Jubal Nalupta commemorate the city’s charter day celebration to further promote its famous One-Town, One Product, the Batac empanada. Empanada City The Batac empanada festival has already become...
9 comments
Read more

Free dormitories eyed for Nueva Era students in LC, Batac

By
 Nueva Era mayor Aldrin Garvida By Dominic B. dela Cruz ( Staff Reporter) Nueva Era , Ilocos Norte—The municipal government here, headed by Nueva Era mayor Aldrin Garvida is planning to establish dormitories in the cities of Laoag and Batac that will exclusively cater to college students from the said cities. “Sapay la kuma ta maituloyen iti mabiit tay ar-arapaapen tayo ken iti munisipyo a maipatakderan kuma dagiti annak tayo a college students nga agbasbasa idiay siyudad iti Batac ken Laoag iti libre a dormitoryo a bukod da ngem inggana nga awan pay ket an-anusan mi paylaeng nga ibaklay kenni apo bise mayor iti pagbayad da iti kasera aggapu iti bukod mi a suweldo malaksid dagitay it-ited iti munisipyo ken iti barangay nga stipend da kada semester, ” Garvida said.    Garvida added that the proposed establishment of dormitories would be a big help to the students’ parents as this would shoulder the expenses of their children for rent and likewise they would feel...
Post a Comment
Read more

P29 per kilo rice sold to vulnerable groups in Ilocos region

By
BBM RICE. Residents buy rice for only PHP29 per kilo at the NIA compound in San Nicolas town, Ilocos Norte province on Sept. 13, 2024. The activity was under a nationwide pilot program of the government to sell quality and affordable rice initially to the vulnerable sectors. (Lei Adriano) San Nicolas , Ilocos Norte —Senior citizens, persons with disability, and solo parents availed of cheap rice sold at PHP29 per kilogram during the grand launching of the Bagong Bayaning Magsasaka (BBM) Rice held at the National Irrigation Administration compound in San Nicolas, Ilocos Norte province on Sept. 13, 2024. “ Maraming salamat Pangulong Ferdinand R. Marcos Jr. sa inyong pagmamahal sa Region 1 lalong-lalo na sa bayan namin sa San Nicolas,” said Violeta Pasion, a resident Brgy.   18 Bingao in this town. The low-priced grains were sourced from the National Irrigation Administration’s (NIA) contract farming with irrigators' association members in the province. Along with Pasion, Epi...
Post a Comment
Read more