Panangpapigsa pay iti export industry iti Rehion Uno ti kangrunaan a
gagem ti maisayangkat nga Export Coaching Seminar on Costing and Pricing dagiti
produkto a pang- export.
Ti nasao a training and
seminar ket maaramid iti maysa a nalatak nga hotel ditoy Siudad ti Laoag inton
Hunio 18 aldaw ti Mierkoles.
Kuna ni Ms. Nicole Rudio,
PESO Head iti kapitolio probinsial nga inimbitaran ti Department of Trade and
Industry daytoy kas kabinnadang ti Manila FAME Roadshow.
Daytoy ket paset pay laeng
iti Manila FAME Roadshow a bumisita iti Region One nangrugi idi Hunio 16
agingga iti Hunio 20, 2014.
Mainaig iti daytoy, aw-awisen
ni Ms. Rudio dagiti addaan iti negosio nga adda pannakainaigna iti panagaramid ti furniture, home decor,
holiday ken gifts decor, fashion accessories ken apparel, arts and craft,
ceramics, outdoor products ken textiles.
Nairanta daytoy kadagiti
addaan ti negosio tapno mapapigsa pay ti level dagiti produkto ken maisabay iti
export level.
Daytoy ket awan ti bayadan
ken agturong laeng iti opisina ti PESO tapno makiuman ken mangala iti
confirmation slip wenno agturong ti DTI Laoag City.
Immun-una ngem iti daytoy,
kalikaguman ni Ilocos Norte Gob. Ma. Imelda “Imee” R. Marcos a mapapigsa ken
mapapintas pay ti panagaramid ken pannakailako dagiti wooden furniture,
accessories, earthenware ken dadduma pay para ti pannakailakoda saan laeng a
ditoy pagilian ngem ketdi idiay pay ballasiw taaw. (PGIN-CMO)
Comments
Post a Comment