Addan dagiti
naka-schedule nga aldaw para iti maisayangkat nga MDG Christmas Caravan 2013
nga iyuswat ti gobierno probinsial babaen ken ni Gobernador Ma. Imelda “Imee”
R. Marcos.
Daytoy ket kas sagut-pamaskua nga iburay ti
probinsia kadagiti kakailian kangrunaanna kadagiti MDG recipients a tinawen a
maipapaay kadakuada.
Dagitoy ket pang-Noche Buena packages.
Naglaon daytoy kadagiti taraon a
pangparambak iti paskua tapno adda pagsasangwan dagiti pamilia kangrunaan
kadagiti nakukurapay a pangparagsak iti pamiliada.
Daytoy a tignay nga ar-aramiden ti
probinsia ket tapno agbalin a naragsak a paskua ken nabunga a panangsarabo iti
baro a tawen dagiti kakailian.
Amin nga ili ditoy probinsia ket turungen
ti gobernador a pagibunungan iti Noche Buena packages kas regalo kadagiti
umili.
Mangrugi ti MDG Caravan inton Disyembre 14
iti ili a Nueva Era, Banna, Marcos ken Dingras. Disyembre 15 iti ili a
Pagudpud, Bangui, Dumalneg, Burgos ken Pasuquin.
Inton Disyembre 16 ket iti ili a Pinili,
Currimao, Paoay ken Batac.
Disyembre 19 iti ili a Bacarra, Vintar,
Piddig, Carasi ken Solsona.
Naituding met inton Disyembre 20 aldaw ti
Biernes iti ili a Badoc, San Nicolas, Sarrat ken iti Siudad ti Laoag. (PGIN-CMO)
Comments
Post a Comment