PGIN Employees Association, addan baro nga opisyalesna

Ni Rosita Macalipis

PGIN-CMO

Addan baro a presidente ti Provincial Government of Ilocos Norte Employees Association kalpasan a naisayangkat iti panagbubutos kadagiti amin nga empleado ti gobierno probinsial.

Daytoy ket ni Atty. Bernard Manrique iti Provincial Budget Office ngem naka-detail iti Public Employment Service Office/Ilocos Norte Investment Center (PESO/INvest).

Napili met a vice president for internal affairs ni Estrelina Asuncion iti Sangguniang Panlalawigan (SP) Office, idinto a ni Dante Madalipay iti Office of the Provincial Agriculture Office (PAO) kas vice president for external affairs.

Iti secretary, na-elektaran met ni Wanda Aglipay iti Human Resource Management Office.

Sub-secretary ni Allan Melquiades Agustin iti SP; treasurer ni Larissa Foronda iti Provincial Health Office (PHO), sub-treasurer ni Eva Ibarra iti Provincial Planning and Development Office (PPDO) ken auditor ni Ms. Leah Blas iti Provincial Budget Office.

Dagiti met napili a Board of Directors ket dagiti sumaganad:

Edwin Carinio iti Millennium Development Goals (MDG) Office, INEC Director Enrico Ruiz iti Legal Office; Roderick Basilio iti ITC, Dr. Josephine Ruedas iti PHO; Ruth Corpuz iti Budget; Roland Ross Irapta ti OPAG ken ni Ma. Victoria Manuel iti SP.

Immun-una ngem iti daytoy, kalikagum ni Gobernador Ma. Imelda “Imee” R. Marcos ti pannaka-re-organisar ti organisasion tapno mangngegan met iti boses dagiti empleado ken maidanon dagiti kayatda nga idanon para iti pagsayaatan kangrunaanna dagiti benepisyo a rebbengna a maipaay.

Malaksid iti daytoy, adu payen dagiti saan nga aktibo a miembro ken adda payen dagiti nagreretiro nga empleado nga opisyales ti organisasion.

Kabayatanna, mangnamnama met dagiti amin nga empleado iti gobierno probinsial a babaen kadagiti napili a baro nga opisyales ti PGIN Employees Association ket ad-adda pay nga agbalin a produktibo dagitoy a mangidaulo kadagiti empleado.