Friday, April 22, 2016

Umaykan mutia, umaykan

Ni Amado I. Yoro
March 7, 2016

Segseggaak a kanayon
a sumangpet ti nagpauyo...
A musang iti amianan
Dagiti panaguray ken panagbirok
Iti lansad ti rabii
Aglua met ti bulan iti dara
Ti panagsangit dagiti pannakaulila
Ken panagpuyat
Dagiti balikas ni ayat
Iti bileg da Lam-ang
Pedro ken Pichay
Gandatekto man a tukmaan
A tiliwen ti ipus ti mutia
A sibibitin iti rabii a panaguray
Apagdillaw dagiti saning-i
Ti lumansad a sugat iti barukong
Ket anian a aya a puyat
Anian a rikus ti rabii
Dagiti mabigatan a lemma
Ti pannakabannog
Kawaw daytoy a papel
Ni tulnek, ni kur-it saan man la
A simmangbay iti ulimek ti rabii
Ala wen, urayek ti musang
Dagiti ay-ayo ken am-amloy
Tapno ti pasugnod ken pasidumri
Uray dagiti pauyo, silulukat latta ti ridaw
Ti lenguahe, ti balikas
Ti musika ken rima

Maputar manen

No comments:

Post a Comment