Kinasiasino met daytoy a panagbirok

Daniw ni Amado I. Yoro

January 19, 2016

Wen, adda dagiti panagbirok

Iti kinaasino itoy a panagtawataw,

Wenno panagkallautang dita ken ditoy

Uray sadiay

Ala, amirisem man ti riknam

[Adda latta dagiti kinapudno: matippay latta

Ti tinapay, matnag dagiti murkat ken regreg]

Malmesak iti iliw

Iti segga

Iti ulimek

[Umel ngamin ket daytoy a komunikasion]

Kunak man no awanen dagiti sainnek

Dagiti pannakaulila ken panagsangit

Naugotanen dagiti matak

Nga agur-uray kenka.

Apay? Apayen a kastoy……

Kinaulpit kadi iti panangbaklay iti

Bukod a krus kadagitoy a panawen

Ti panagbirok ken panaguray……

Kayatko a denngen

Ti uni dagiti kundidit

Iti man sidiran ti kabakiran

Wenno iti arubayan ti sibibiag a Pikkan

Dita laud ti kalapawko a pinan-aw ken taleb.

Awanen ti saem

Naukritan a barukong

Imarisak man daytoy a malem

Iti lumnek nga init

Iladawak ti sardam iti maysa manen

A pannakaimbirna nga umaddang.

Kasla agburayok ti essem

Ken tarigagay

Lumabas manen ti rabii

Nga awan dagiti nabiag a darepdep

Awanen ti banglo ti sabong

Iti atag ti rabii

Iti sabali a panagauray.

Siak daytoy

Iti linabag ti daniw

Bay-am a mabukelak

Iti dayyeng dagiti agaw-awir

Kadagiti simmangbay

A saringit daytoy a kaputotan.

Suksukogek latta man ti pakabuklak

Magnaak kadagiti igid ti dalan

Bareng no adda agur-uray a mangawat kaniak

Iti kinasiak, ta dagiti salemsem ti sardam

Ken nalnaawan a kaltaang

Masapulko met ti imeng ti ayat.

Ur-urayek tunggal darikmat iti panagkayabkab

Ti kayumanggi wenno puraw a kalapati

Ngatuen dagiti sinilong, panawen man iti panagtalon

Wenno panagani, ta dagiti apit ken binettek

Mailaemda iti sarusar, bugas ti biag

Daytoy gupit ket dagiti kalapati

Uray dagiti sallapingaw, urayekto manen

Nga agampayagda, sadanto nakaam-amo nga agdisso

Iti abagak, iti abagam a nakaammal

Ti sabong ni ayat

Kadagitoy a binatog daytoy a daniw.

[Naipablaak iti Bannawag Nobiembre 12, 2007, panid 9]

Comments

Empanada festival: A celebration of good taste and good life

By Dominic B. dela Cruz & Leilanie G. Adriano Staff reporters BATAC CITY—If there is one thing Batac is truly proud of, it would be its famous empanada-making business that has nurtured its people over the years. Embracing a century-old culture and culinary tradition, Batac’s empanada claims to be the best and tastiest in the country with its distinctive Ilokano taste courtesy of its local ingredients: fresh grated papaya, mongo, chopped longganisa, and egg. The crispy orange wrapper and is made of rice flour that is deep-fried. The celebration of this city’s famous traditional fast food attracting locals and tourists elsewhere comes with the City Charter Day of Batac every 23 rd of June. Every year, the City Government of Batac led by Mayor Jeffrey Jubal Nalupta commemorate the city’s charter day celebration to further promote its famous One-Town, One Product, the Batac empanada. Empanada City The Batac empanada festival has already become...

Free dormitories eyed for Nueva Era students in LC, Batac

Nueva Era mayor Aldrin Garvida By Dominic B. dela Cruz ( Staff Reporter) Nueva Era , Ilocos Norte—The municipal government here, headed by Nueva Era mayor Aldrin Garvida is planning to establish dormitories in the cities of Laoag and Batac that will exclusively cater to college students from the said cities. “Sapay la kuma ta maituloyen iti mabiit tay ar-arapaapen tayo ken iti munisipyo a maipatakderan kuma dagiti annak tayo a college students nga agbasbasa idiay siyudad iti Batac ken Laoag iti libre a dormitoryo a bukod da ngem inggana nga awan pay ket an-anusan mi paylaeng nga ibaklay kenni apo bise mayor iti pagbayad da iti kasera aggapu iti bukod mi a suweldo malaksid dagitay it-ited iti munisipyo ken iti barangay nga stipend da kada semester, ” Garvida said. Garvida added that the proposed establishment of dormitories would be a big help to the students’ parents as this would shoulder the expenses of their children for rent and likewise they would feel...

2020 Laoag City Traffic Code

Republic of the Philippines Province of Ilocos Norte CITY OF LAOAG SANGGUNIANG PANLUNGSOD EXCERPT FROM THE MINUTES OF THE 58 TH REGULAR SESSION OF THE 11 TH SANGGUNIANG PANLUNGSOD OF LAOAG HELD AT THE SANGGUNIANG PANLUNGSOD SESSION HALL, LAOAG CITY ON OCTOBER 14, 2020. PRESENT: 1. Hon. Vicentito M. Lazo City Vice-Mayor/Presiding Officer Hon. Juan Conrado A. Respicio II S.P....

The Ilocos Times

Search This Blog