Kenka Piddig

Lagipmo diakto pulos a malipatan

Sinappuyot mo mamaingel annak ti amianan

Isuda nangisaksakit kenka tapno ti masakbayan sumantak Ili a nanagibi lagipda karayo ken ayat.

Dagiti annakmo dida pulos inpalubos

Dayawmo nga inka ing-ingungoten marabsot Uray ni patay dida pulos ingin-gina ken pinanunot Tapno ti kaputotam agbiagda a sisisilnog.

Ili a nakaiyanakak, a nakaisangratan da panunot ken riknak

Wayawaya ken talna inka ita masagrap

Sagutmo dagitoy nga uray ni pirak dinto pulos makasubad Tapno annakmo agbiagda a nadayaw ken nalatak.

Ili, ayat a di maumag! Apuy a di maiddep!

Iti puso ken riknak agnanayonka a maibabaet

Saguday ken pintasmo manayonto no inkam agkikin-nammayet Nga iti masakbayan ti naganmo napusaksak ken nangayed.

Jayson Lorenzo Antonio

Piddig, Ilocos Norte