Daniw ni Leonardo Rosqueta Agunoy
dumalagudog nga agpababa
ti kumanabsuor nga apres
ti danum nga umaw-awer
iti lansad-bakras
ti karayan a marangrangkay
umaw-awer ti nagpanes a danum
a dimges kadagiti baresbes
lumawlawa dagiti lipnong
a ginusaban ti agus
nga agpegges iti insiwet
kumanabsuor iti barukong
dagiti maal-aliaw nga umili
kasla nabugiawda a
kuton-bunton
ti ariangga, aripapa,
aligagaw
timekdan ti agpaparaw
litania dagiti bibigda:
“DIOSKO, KAASIANNAKAMI…”
Comments
Post a Comment