Daytoyen ti gundaway
dagiti agessem iti horror films a mangipakita ti laing ken talento iti nasao
nga industria.
Mainaig daytoy iti maisayangkat a
Second Shor tHorror Film Competition kas paset iti Semana ti Ar-aria nga
aktibidad ti gobierno probinsial iti daytoy a bulan ti Octobre.
Gagem ti nasao a pasalip ket tapno
agtitipon nga agaramid iti makaay-ayo dagiti ubbing nga Filmmakers a
mangselebrar ti nadakamat nga aktibidad a daytoyen ti maikatlo a tawen a
selselebraran ti probinsia.
Linnaingan ken pinnintasan iti
aramiden a nakabutbuteng a horror film iti maaramid a kompetisyon.
Ti nasao a pasalip ket silulukat
kadagiti amin nga estudiante manipud sekondarya ken college levels.
Maysa nga entry iti kada grupo nga
addaan iti 10 a miyembro a pakaibilangan metten ti production crew a bukbuklen
ti camera man, director, scriptwriter ken dadduma pay ken ti main casts,
mairamanen ditoy ti main actors ken characters.
Gapu iti daytoy, iyaw-awis ni
Gobernador Imee Marcos iti pannakipartisipar ti nasao nga aktibidad tapno
ad-adda pay nga agbalin a nadaeg iti panangselebrar ti probinsia iti Semana ti
Ar-aria iti daytoy a tawen.
Agugur-uray ti agkakadakkel a
gunguna kadagiti mapagasatan a mangabak iti nasao a pasalip.
Dagiti entries ket isubmitir laeng
iti Samtoy Books iti La Tabacalera Lifestyle Center wenno iti Communcications
and Media Office iti kapitolio probinsial agingga inton Oktubre 21, 2013.
Maaramid to met ti pasalip inton
Oktubre 26 iti mismo a Capitol Complex.
(PGIn-CMO)
Comments
Post a Comment