Lito Alcantra: Outstanding Alumni, Mapua Institute of Technology 2014

URAY ANIA A SULI ti komunidad, iti umming dagiti negosiante, iti ummong dagiti Filipino, maysa ni Manong Lito kadagiti mabigbigbig a kadaraan iti Hawaii ita.

Pinilin ti UFCH Progress Award a Lifetime Achiever. Maysa kadagiti 15 a komisionado ti Filipino Centennial Celebration Commission [Act 159] a nangisagana iti maikasangasut a tawen ti anibersario nga isasangpet dagiti immuna a 15 nga Ilokano a sakada a rekruta ni A.F. Judd iti HSPA a simmangpet iti Honolulu Port idi Disiembre 20, 1906 babaen iti SS Doric.

 

Aktibo iti San Vicente Assn of Hawaii, Isabela Hawaii Assn, ken dadduma. 

Impanguluanna ti Trade Mission idi isu ti presidente ti Filipino Chamber of Commerce. 

Malaksid iti building construction a pagnegosioanna, adda tallo a restauranda ti Philippine Mart, Filipino Express "Kambingan" [Westgate Center] ken Bahay Kubo ti imatonan ti pamiliana: asawa ken ti anakna iti Waipahu ken Honolulu. 

KINUNA NI MANONG LITO iti maysa nga agsapa iti pammigatmi itay nabiit, itan ta nairaman a 7NewWonderCitities in the World ti Vigan City, nakasaganaakon a mangipatakder ti sabali pay nga hotel idiay kas indawat ni Mayor Eva Medina. Addan ti West Loch Hotel idiay Santo Domingo, Ilocos Sur nga imatonan ti manugangna. Kayatko ti makatulong kadagiti kadagiti kaprobinsiaan, kinunana.

Ti panagbiag ket saantayo a kukua, no ania man ti maaramidantayo itan—itan nga aramiden.

We need young leaders for future generation.

Kadagiti napalabas, kastoy nga insuratko ni Manong Lito.

Lito Alcantra

Lito Alcantra 2006 Outstanding Union Builder Awardee , Tinnag ti Langit kenkuana ti Gasatna 

"Saanko la a kabukodbukodan a dayaw daytoy, ngem dayawtayo a Filipino" kinunana iti pannakapadayawna a “Outstanding Union Builder of the Year” nga inted ti Hawaii’s Carpenter Union, ti maysa kadagiti kadakkelan a union dagiti mangmangged iti Hawaii. 

Iti tawenna a 68, maysan nga adigi ti negosio. Isu ti akinkukua ken agdama a presidente ti Group Builders, Inc. nga addaan iti aganay a 450 nga empleadona. 

Nayanak idiay San Vicente, Ilocos Sur. Nagturpos iti haiskul iti Ilocos Sur High School idi 1955, sa iti Manila, lineppasna ti BS in Civil Engineering Mapua Institute of Technology, 1960. 

Trenta y saisna idi umay iti Hawaii idi panawen ti martial law 1972. Simrek a dagus iti trabaho iti Acoustical Insulation a kas dianitor. Adda bukodna a lisensia a general contractor nga inggapuna iti Filipinas, kasta met a nagpaay pay a dekano iti college of engineering iti Northeastern College iti Santiago City, Isabela. 

Ngem idi simrek iti Acoustical Insulation & Drywall, saanna nga impalgak nga adda kenkuana dagitoy a kualipikasion no di ket imbagana laeng a nagturpos iti haiskul. 

Danagenna nga ibagada nga overqualified no maammuanda a nakalpas iti kolehio para iti dianitor la a trabaho. 

Ket kalpasan iti innem a bulan isu met a mayakar iday Guam ti Chief Estimator ti kompania. Sinidawsidawna nga inadal dagiti plano dagiti proyekto ti kompania no kasdiay a malpasna ti agdianitor iti malem, banag a pangdillawan no dadduma dagiti nangatngato ti puestoda ngem isuna: "saanmo a trabaho dayta, kunak man ketdi no addaka nga agdaldalus" 

Gapu ngarud ta bakante dayta a puesto a nagpanawan ti Chief Estimator, innalana ti gundaway ket nagpresenta iti mangimaton. Imparangna dagiti nasken a credentialsna. “Overqualifiedak iti janitor Sir,” kinunana. 

Pamadasan wenno pangsuotda iti kabaelanna, imbagada a isu ti mangbid ti proyekto no kabaelanna met la ti agbalin a Chief Estimator. Inaramidna ti amin a kabaelanna a mangipresenta itoy a tinnawar ket kinunana a gasanggasaten no asinonto ti sikmawen ti agpatrabaho. Resulta: Dua ribu la ti babbabaan ti intawarna maidilig kadagiti sabali a bidders. “Ket iti kaasi ni Apo Dios, nangabak ti bid nga indatagko”, kimmilap pay ti matana ket naglawa ketdin ti isemna. 

Nangrugi dita a nagkalatkat ti gasatna iti construction ken building industry. 

Malaksid a maysa kadagiti kaaktibuan a lider iti sibiko, kas pasado a pangulo iti Filipino Chamber of Commerce, isu ti agdama a Chairman of the Board iti Filipino Community Center. Nagpuonanna ti anus ken regtana. Saanna a pulos imbain ti nagrugianna a trabaho a kas dianitor. 

Patienna nga umay latta ti gasat no birokem. Nasken a naagawa ken naanuska iti amin nga aramidmo. 

Maysa kadagiti kadur-asan a Filipino iti agdama. Maysa a komisioner ti Filipino Centennial Celebration Commission, recipient ti Hawaii Carpenters' Union in partnership of the Pacific Resource a kas "2006 Outstanding Union Builder Award". 

Nangrugi a dianitor: 

Lito manipud dianitor aginggana iti presidente ti building contractor with 450 employees, isu ti maysa kadagiti kabagasan ti pakasaritaan ti biag ita iti Hawaii kadagitoy a panawen. Malaksid nga isu ti agdama a presidente ti FilComCenter, ken adu pay Makainspirar ti sinurat ti Honolulu Advertiser maipapan kenkuana. Maysa kadagiti modelo a Filipino nga inspirasion dagiti pada a makigasanggasat - a maikkan iti namnama nga agdur-as ken agpangato no determinadoda met. 

Iti nagsasaruno a tawen, ti Group Builder Inc nga imatonanna ti kanayon latta a mairaman kadagiti TOP 20 General Contractors iti Hawaii. Itay 2005, #8, kimmalatkat manipud iti #10 2004, maysa la a projectna ket aganay a 20 M ti pategna kadagiti napalabas, napili pay a "Kangrunaan a Kontraktor iti Tawen" iti Region ti Hawaii, California, Nevada, Guam, Alaska.

Kas kontraktor pinadayawan ti Honolulu City Council iti regular a mitingda idi Pebrero 15, 2006. Pinadayaw pay ti UFCH a "Lifetime Achievement Award" itay Enero 20, 2006. 

Itay la Abril 4, 2006, maysa ni Alcantra kadagiti innem [6] SIX COMMUNITY LEADERS AS OUTSTANDING FILIPINO ROLE MODELS IN HAWAII a napadayawan nga inted ti Hawaii State Legislature iti regular a session ti aganay a 51 a representante iti State House of Representatives. 

Ni Representative Felipe Abinsay, Jr., ti kangrunaan nga autor ti resolusion ti recognition award. Sinuportaran da Rep. Michael Magaoay, Rida Cabanilla, Alex Sonson ken dadduma pay. 

[Dadduma a napadayawan da: Ex-Hawaii Supreme Justice Mario Ramil,Business Manager, Secretary-Treasurer, Laborers' International Union of North America, Local 368 Ben Saguibo, Director for Center for the Philippine Studies, Professor, Political Science and Asian Studies, Dr. Belinda Aquino, care home operator and community leader Maria Etrata, Filipino Centennial Celebration Chairman Elias Beniga.] 

[NOTE: Representatives of Filipino-American ancestry: Felipe P.Abinsay, Jr., Michael Magaoay, Alex Sonson, Rida Cabanilla, Lynn Finnegan, Kimberly Pine] 

No saludsoden no apay a naayat ken loyal dagiti trabahadorna, kinunana. Ited ti kasapulanda iti biag, ken ti pamiliada. 

Umuna, tian, maikadua, bolsa, maikatlo, pagtaengan, 

No maitedmo iti kangrunaan a kasapulan dagiti makitrabaho kenka, agbalinda la ngaruden a loyal, napudno, napasnekda pay iti trabahoda. Tay kunadan: saan a patayen ti upa nga agitlog, tapno maituloyna latta ti agitlog ken umadu ti piekna. 

Little-known fact: Sold house in Royal Summit in 1982 to repay a bank loan to keep Group Builders afloat during hard financial times and moved in with family in Kalihi. "When my wife arrived from the Philippines, I cannot tell her the truth. I first take her to breakfast. You don't want to hear bad news when you're hungry." 

Mentor: Charles I. Cook, 92, the former executive director of the state contractors licensing board. 

Major challenge: "There's no people, manpower-wise. The labor market is very tough. We have 450 employees but need a minimum of 50 more. And material costs are rising while there is also a materials shortage." 

Hobbies: "Working. That's what I do. I don't have any other hobbies. If I am not working, I am not happy." 

Books recently read: "Life Extensions." "That's a book about extending my life like Charlie, to 92 years old. You have to watch what you eat, what you do." 

Saludsod: Kasano nga inrugim ti bukodmo a negosio? 

Lito Alcantra and Amado Yoro

LA. Gapu ta nailako ti Acoustical Insulation idi 1979 ti Hawaiian Dredging ti nangidiaya kaniak iti trabaho a kas project engineer. Ni Charlie Cook ( dati nga executive director of the state contractors licensing board) ti immawag kaniak ket kinunana, "Lito, let's go have breakfast." Diak am-ammo daytoy a tao malaksid la nga isu ti ammok iti puestona a kas executive director of the state contractors licensing board. Kastoy ti kinunana, "I do not want you to work for somebody else. You need to start your own business." I have only $1,000 in my savings. I am sending my kids to college in the Philippines. We parted the restaurant and he gave me an envelope. I open up and there is a $30,000 cashier's check in my name. He said, "You work too hard for somebody else. Lito, go ahead and form your company. This is your money. I have been watching you, Lito, and I do not think you should be working for anybody." Charlie is now the CEO of the company. 

Saludsod: Tinnag kadi ti langit kenka daytoy saan a kadaraan ngem insagutannaka iti pamuonan? 

LA: Talaga a nakaskasdaaw ngem dakkel a nagpuonak ti intedna. 

Saludsod: Napadayawanka a kas naipangpangruna nga inted ti Hawai'i Carpenters Union a kas 2006 Outstanding Union Builder Award, kasano kadi ti pannakagun-odmo itoy?

LA. Adda 28 a tattao iti opisina ken adda pay project engineers, siento porsiento a kameng dagiti empleadok iti union. Nupay kaaduanna nga adda dagiti mangsupring ti union, ngem adda met pagimbagan ti union. Natennebda iti panagsanay ken panagtrabaho dagitoy a union. Addaanda kadagiti nasaysayaat a kalidad ti trabaho. Kangrunaanna, naibasar ti pannakapilik ken ti Group Builder, Inc. iti makuna a consistent progress iti panagpangato ti negosio, ken ti panangdur-as iti panangimaton. 

Saludsod: Kasano ti panangtratom kadagiti kameng ti union ken tattaom? 

LA. Respetuen ti kinapudnoda. Nasken ti agpada a panagrinnespeto ti agpatrabaho ken makitrabaho. Komunikasion iti kangrunaan. Ibaga ti pudno nga awan ti mailimlimed kadakuada. Ited kadakuada ti nasayaat a trato. 

Naayat pay ni Apo Lito a tumultulong iti komunidad. Asitgam a kalbiten ket yarasaasmo laeng ti kalikagummo ket saannaka a paayen basta kabaelanna. 

Baro pay idi naidestino idiay Isabela ta isu ti nagpaayanna a kas Project Engineer kadagiti proyekto ti gobierno. Impaangawna a ngem nakarimrimat ti matana ket rimmuar ti katawana idi kinunana: "iti kaaddak idiay ket birbirokek ti nalawa a daga iti kapanagan ti Isabela, ket idi la ngaruden nakapagdigosak ken nakalasatak iti Karayan Magat, nasimbaludanakon iti pandiling ni dati a balasang Carmelita Santiago iti San Mateo, Isabela a nagbalin a kasimpungalak". 

Dakkel ti sense of humor ni Manong Lito. Humble ken mannakitinnulong iti komunidad kadagiti proyekto a pakairanudan ti kaaduan. “Saantayon nga agubing, Amado. Dumtengto ti point of no return isu a ‘do the best’ for our life. Let the young generations to do their share with our guidance if needed so.