Kinni-kinni Parade, highlight iti selebrasion ti Women’s Month

Agbalin a highlight ti selebrasion ti probinsia iti National Women’s Month iti umay a bulan ti Marso ti maisayangkat a “Kinni-kinni” Parade inton Marso 8.

Ti parada ket mangrugi iti oras ti alas kuatro iti malem, magna manipud iti maysa a supermarket iti Rizal St. cor. F. Guerrero st. agingga iti sango ti Kapitolio Probinsial a pakaangayanto ti maysa a sangkabassit a programa.

Addanto met ma-awardan a kas “Most Artistic Delegation,” “Best Kinni-kinni,” “Buntis Queen” ken “Best Slogan.”

Mainaig iti daytoy, maibilbilin kadagiti amin a babbai nga empleado ti gobierno probinsial ti panagantendar iti maisayangkat a parada.

Amin nga agatendar iti parada ket agaruat iti nalabbaga.

Kalikagum ni Gobernador Imee Marcos a maipaduyakyak ti tured ken kired ti maysa a babai a kas kenkuana a kabinnulig ti panagdur-as iti maysa a kagimongan. (PGIN-CMO)