Wen ti tao, adda iti pedestal nga agbiag, ngem dadduma met agbiag a kas ken billitttuleng

Wen ti tao, adda iti pedestal nga agbiag, ngem dadduma met agbiag a kas ken billitttuleng 

Amado I. Yoro

wen, nangatngato ti biag 

ti tao ngem ti tumaytayab 

iti tangatang 

no dadduma ti tao agbiag 

kas met ti billit tuleng 

tunggal agkayabkab 

a sumangpet iti umokna [iti balayna] 

puera homeless – 

adda latta ammalna a 

ruting, ruot, ti sabong 

wenno tipping, uray sobra 

ken pedaso ti tinapay 

ti biag 

ti tao birokenna 

bagas a silpo ti biag 

ti agridam 

kas ken tumaytayab 

panagurnong met ti aramid ti 

billittuleng, idiay umokna 

ammona met ti agsagana para iti 

biagna 

adda latta isangpetna 

iti nanumo a taeng 

ti piek nga agkikikik 

ungapenda ti sippitda 

ti isubo ti ina a billittuleng 

kasta met ti tao 

iti biagna 

agurnong 

agaliwaksay 

ken agsagana 

ngem napatpategtayo 

ngem iti billittuleng 

iti imeng ti rabii 

talinaay ken talna 

ti samiweng 

ti ayug 

ti kanta 

nalamuyot ti musika 

dayta sonata 

a mayang-angin 

ti imnas ti biag 

iti kararua ti panawen 

ti amin a panawen 

iti sab-ok ti sangapaglangitan 

a namnama ken rag-o 

dayta a pedestal ti biag!

(I)