Tuesday, November 18, 2014

Tangrib: Nagsarak da Bagsang ken Ar-aro

Tangrib: Nagsarak da Bagsang ken Ar-aro

naginnungo da bagsang
ken ar-aro: komustakan,

nagkalawikiw ni ar-aro
nagbalbaliktad ni bagsang
ti ragsakna a napalaluan.

nabuak ni balaki
naglias metten dagiti laki
simmursurot a pimmanaw ni bugsi

adda ar-aragan, umok ti barangan

nagkinnamat da bagsang
ken ar-aro kasda la agpakamakam
aggayyemta, bagsang,
impalludip ni ar-aro
ar-aro mayatak ket
agpallailangta ditoy a tangrib
birokenta dagiti padata a lames
iti rukib ken rekkang ti kadilian
da igat, ar-arakan, birkakan
ampig, lunawan.

namak pay a ragsak da ar-aro
ken bagsang panagsarakda
a napno iti kaipapanan.

Amado I. Yoro
Ewa, Hawaii


No comments:

Post a Comment