Inannugot ni Ilocos Norte Gobernador Ma. Imelda “Imee” R. Marcos
nga adu dagiti kasapulan a mataming pakaseknan ti programa ti salun-at.
Kunana a daytoy ti rason no
apay nga agtultuloy ti panangtutokna kadagitoy a problema tapno naan-anay a
maipaayan iti atension.
Dinakamatna a karamanen ditoy
ti panagkurkurang ti bilang dagiti doctor nga agserserbi kadagiti nagduduma a
district hospital.
Nupay kasta, inadmitirna a ti
problema ti gobierno nga uray adda ti panagbaybay-a dagiti doktor no dadduma
ken no palagipam dagitoy, sika pay ti agbalin a dakes wenno ipilaanda iti kaso.
Inlawlawagna a daytoy met ti
saanna a magustuan ken pakaragsakan no dadduma iti agdama a situasion.
Nupay kasta, kunana nga adda
met ti limitasion ti pundo ken panagala kadagiti doktor nga agserbi kadagiti
ospital.
Inbatadna nga adu met dagiti
mangngagas nangruna kadagiti espesialista a saanda kayat ti sumrek iti gobierno
gapu iti nababa a sueldo.
Iti baet daytoy, immunan nga
impasingked ken impasigurado manen ti gobernador nga ar-aramidenna amin a
kabaelanna tapno maaddaan kadagiti naanus a doktor a nayon nga agserbi kadagiti
umili. (PGIN-CMO)
Comments
Post a Comment