Dagiti birbirokek, adda kenka

Amado I. Yoro

Ewa, Hawaii

Birbirokek ti pusok

Adda gayam kenka

Birbirokek ti kararuak

Adda gayam kenka

Birbirokek ti kinataok

Adda gayam kenka

Birbirokek ti kinasiak

Sika gayam ti kinasiak

Birbirokek ti ayatko

Sika gayam ti ayatko

Birbirokek ti kaibatogak

Kaibatogak ti kinasiak

Saanko a napukaw ti pusok

Saan met ti kararuak

Ket ti kinataok

Agraman iti kinasiak

Addada amin kenka

Ket ammuem: siak ti pakabuklak

Sika ti biag,

Ti Bileg

agkurangak no awanka

Sika ti aminko!

The Ilocos Times