Naidumduma a kallaysa: babai Ken babai da Mhar ken Lecey

Ni Amado I. Yoro

Kasla nakaad-adayo idi a mapasamak nga adda agkallaysa iti agpada a kinataona,  ti agasawa a babai ken padana a babai, wenno lalaki ken padana a lalaki ta kas ibatay iti nasantuan a kasuratan iti makuna traditional marriage ket maysa a lalaki ken babai laeng ti mabalin nga agasawa.

“Ta pinagtipon ti Dios ti lalaki ken babai tapno agbalinda a maymaysa…”

A kastoy ti baliksen ti padi kabayatan nga annongenna iti seremonia ti nasagraduan a sakramento:

“In the Name of God, you Romeo, do you take this woman to have and to hold from this day forward, for better for worse, for richer for poorer, in sickness and in health, to love and to cherish, until you parted by death.

And you Juliet, do you take this man to have and to hold from this day forward, for better for worse for richer for poorer in sickness and in health, to love and to cherish until you parted by death….”

Kunada nga isungbat: I DO.

Ngem kasla saan a nakapapati ngem pudno nga iti panaglabas ti napardas a panagbalbaliw iti aldaw, panawen ken iti aglawlaw ti kagimongan a kakuykuyog ti adu a pasamak ken wagas iti panagbiag ti tao, linteg ti tao ti mapaturayen iti sumagmamano a disso, estado ken pagilian.

Biernes, Hunio 20, 2014.  Umuna a pasamak iti pakasaritaan ti biag ti St. Paul’s Episcopal and Philippine Independent Church ditoy Honolulu.

Manen, kasla saan a nakapapati ngem pudno a babaen ti kabaruanan a linteg nga inaprobaran ti Lehislatura iti Hawaii babaen iti espesial a sesion nga agilinlinteg sakbay ti paskua ti 2013, nupay adda dagiti nangtubngar iti publiko, iti uneg ti pagpandayan ti linteg iti agpada a benneg ti Senado ken House of Representatives, ad-adu ti nangpabor iti Equality Marriage Act, banag met a pinirmaan ni Gobernador Neil Abercrombie idi   Disiembre  2, 2013 a nagbalin a linteg. [Same-sex marriage in Hawaii has been legal since December 2, 2013. The Hawaii State Legislature held a special session beginning October 28, 2013, and passed the Hawaii Marriage Equality Act legalizing same-sex marriage. Governor Neil Abercrombie signed the legislation on November 13, and same-sex couples began marrying on December 2. Hawaii also allows both same-sex and opposite-sex couples to formalize their relationships legally in the form of civil unions and reciprocal beneficiary relationships. Civil unions provide the same rights, benefits, and obligations of marriage at the state level, while reciprocal beneficiary relationships provide a more limited set of rights.]

Agpada nga annak iti Kailokuan, naangay ti kallaysa ti agpada a babbai: Lecely Faustino ken Mhar Ancheta babaen ken ni Reb. Canon Randolph Albano iti St. Paul’s Church Episcopal and Philippine Independent ditoy Honolulu

I-Bacarra ni Padre Albano:  “We call the service, the witnessing and blessing of a lifelong covenant; we have gathered together today to witness Mhar and Lecely publicly committing themselves to one another, and in the name of Church, to bless their union a relationship of mutual fidelity and steadfast love forsaking all others”

Naranga a pasken ti naangay iti International Ballroom iti Pagoda Hotel, Honolulu idi Hunio 20, 2014 nga inantendaran iti aganay a 180 a kameng ti pamilia ken nasinged  gagayyem ken sangaili.

Agaddayo a probinsia ti naggapuan dagitoy dua a maseknan itoy a kita ti kallaysa. Immayda iti Hawaii kas imigrante iti naginnadayo met a tawen. Ngem tay pagsasao, pagsaraken latta ti gasat no talaga nga isuda ti nagbatog iti bituenda.

Nayanak ni Mhar Ancheta idi Abril 20, 1978 idiay  Pasuquin, Ilocos Norte. Immay ditoy Hawaii idi Hunio 4, 1991 idinto a nayanak  ni Lecely Faustino idi Nobiembre 27, 1987 idiay San Fernando La Union ken immay ditoy Hawaii idi Hulio 24, 2004

Maintenance / landscaping ti damo a nastrekan a trabaho ni Mhar,

Cashier (I love Country Cafe Navy Exchange) ti immuna a trabaho ni Lecey.

Kastoy ti nagrugian ti panagsarakda ditoy Hawaii, iti uneg ti trabahoda. Hunio 24, 2010 a nagsarak da Mhar ken Lecely iti Jack in the Box Kapiolani, maysa kadagiti fast food chain restaruran daytoy a kompania. Nangrugi ditoy iti uneg ti Walk-in freezer a pakaidulinan dagiti food supplies tapno mapagtalinaed ti kinalamiis ken kinasayaat ti kondision dagiti maidulin a taraon, iti nasapa a bigat a saanen a madaeran ni Lecely ti kinalamiis iti kaaddana iti uneg ti freezer.   Gapu iti kasta a naimatang ni Mhar iti panagpaypayegpeg ni Lecely iti napalaus a lamiis ken lammin dagus nga indiaya ni Mhar ti nabengbeng a dyaketna sada naginnisem.  Iti uneg ti panunot ni Mhar, nakunana iti bagina: "I got her"...

Iti panunot ni  Lecely: "ooh wow, he cares".

Nangrugin dita a nagbalinda a nasinged nga aggayyem. Agpadada nga addaan iti kabukbukodan a ‘dalluyon iti biagda’ [ups and downs]  Ammo ni Lecely nga adda sabali a gagayyem ni Mhar, ammo met ni Mhar dagiti parikut ni Lecely.   

Rabii ti Thanksgiving a panagkakainumanda nga aggayyem, nangrugin ti sabali a rikna ti tunggal maysa kadakuada. Kalpasan dayta a rabii, narikna la uneay ni Lecely nga adda ‘naisangsangayan a riknana’ para ken ni Mhar.   Agpadadan a nakayawan iti tunggal maysa.   Nangrugin ti panagpasiar, panangngan iti restaurant, agpagpagna ken agsarsarita. Iti riknada, suminged a suminged.

Iti maysa a gundaway a panagkuyogda a nagkalugan iti kotse ni Mhar, kastoy ti kinuna ni Mhar ken ni Lecely:   “ if only I could find a woman that has everything that I'm looking for, if only I could find that woman who can understand me and take me as I am then I will be good and faithful to her, I will be very very happy in life”

Mabalin a siak daytan, nagrimat iti panunot ni Lecely. Maysa a kanta ti pinatokar ni Mhar iti kanta:  "Ikaw na Nga" ket uray la a naglabbasit ti rupa ni Lecely ket nayebkasna:  Really? Mhar answered YES, and said I Love you... nagistayan napalagto ken napaikkis ni Lecely ta dayta met ti ur-urayenna a mangeg manipud ken ni Mhar.   Naginnarakupda a naginnagek iti nabara ken nairut.  And that was the beginning of their love story.